Жаңалықтар

Құрметті біздің оқырмандар! Сіздердің назарларыңызда Алматы қ.№4 ҚЕ "Жас ұрпақ" Жастар денсаулық орталығының акушер-гинеколог дәрігері Асель Габдуллаевна Садвакасова! Өз ісінің маманы, мінезі ашық, мейірімді, тиянақты, жауапкершілікті, бірден өзіне баурап алады, өз жұмысын бар ынтасымен атқарады, әр адам ол үшін маңызды. Орталықтың басты бағытының бірі - балалар және жасөспірімдер гинекологиясы. Асель Габдуллаевна жалпы білім беретін мектептерде және ЖОО-да ақпараттық-түсіндіру жұмыстарын жүргізеді.
"Жыныстық тәрбие және репродуктивті денсаулық бойынша жасөспірімдер мен жастарға "Жеке бас тазалық ережесі", "Етеккір физиологиясы", "Ерте жыныстық өмір", "ЖЖБИ профилактикасы", "Ерте жүктіліктің алдын алу" тақырыптарында дәрістер, семинарлар, тренинг, әңгімелер өткіземін. Біздің кездесулер жасөспірімдердің үйлесімді дамуына әсер етуі тиіс. Сонымен бірге, біздің Жастар денсаулық орталығының міндеттері туралы айтамын, Орталықта емдеу-профилактикалық көмек, сондай-ақ, отбасын жоспарлау, балалар және жасөспірімдер гинекологиясы бойынша да кеңестер алуға болады. Жасөспірімдерге біздің негізгі қызмет көрсету принциптеріміз туралы ақпарат жеткізу аса маңызды - қолжетімділік, тілектестік, сенім, еріктілік. Менің міндетім - ерте жастан бастап өз денсаулығына мұқият қарауды, жеке бас тазалығын сақтауды түсіндіру. Менің өткізетін шараларым - жасөспірімдер мен жастардың көптеген өзекті сұрақтарына жауап беру. Біздің кездесулер жайлы, ұстамды өтеді. Гинеколог дәрігерге уақытында қаралу көптеген мәселелердің алдын алуға көмектеседі. Туындаған мәселелерді білікті медициналық көмек алу арқылы шешу керек. Біздің мақсатты тобымыз - 10-17 жасқа дейінгі жасөспірімдер, 18-29 жасқа дейінгі жастар",- дейді Асель Габдуллаевна.
Барлықтарыңызды мына мекен жайда күтеміз: Торайғыров көшесі 12, №105 бөлме. Орталық есіктен бөлек жеке кіру есігі бар. Жұмыс уақыты: дүйсенбі-жұма сағат 9.00-ден 16.00 дейін.