Алматы қаласының №4 Қалалық емханасының СӨСҚ дәрігері У.М.Амиркенова Сулейман Демирель атындағы «Мектеп-интерант-колледж» мекемесінің оқушыларымен «Қызылшаның алдын алу» тақырыбында дәріс өткізді. Қызылшаның белгілері, асқынуы және алдын алу туралы айтылды. «Вакцинация – қызылша ауруынан сақтану жолы.
Аурудың алғашқы белгілері білінген күннен бастап дереу медициналық көмекке жүгінген дұрыс» - деп атап көрсетті. Оқушылар қызылша ауруына қатысты «Не? Қайда? Қашан?» тестік ойынға қатысты және оларға буклеттер таратылды.
Қызылша – кең таралған жедел инфекциялық ауру, негізінен балаларда кездеседі, негізгі белгілері: дене қызуының көтерілуі, мұрын, көз және тамақтың шырышты қабатының қабынуы, теріде бөртпе пайда болуы. Аурудың алдын алатын сенімді және тиімді жолы – вакцинация.
Екпе 15 жыл бойы тұрақты қорғанысты қамтамасыз етеді. Қызылша анықталған жағдайда инфекция ошағында, оның ішінде бала барып жүрген мекемеде де профилактикалық шараларды жүргізеді.
