Бүкіләлемдік психикалық саулық Күніне орай, "Дені саудың - жаны сау!" Ұлттық бағдарлама аясында №4 Қалалық емхананың психологы Ж.Эргашева, СӨС дәрігері У.Амиркенова №145 Аль-Фараби атындағы жалпы білім беретін мектеп оқушыларымен "Мектептегі жәбірлеу" тақырыбында әңгіме өткізді. Қазіргі мектептерде буллинг (қудалау) мәселесі өршіп тұр, түрлі талдауларға сүйенсек әртүрлі жастағы балалар арасында 50% оның құрбаны болады екен. Қудалауға ұшыраған кезде өзін қалай ұстау керектігі туралы кеңестер берілді, буклеттер таратылды. Оқушылармен жанжалды қалай шешу жолдары, жанжалға килікпеу мәселелері талқыланды.
Ұлттық бағдарламаның мақсаты - әр адамның психикалық саулығын нығайту, көңіл-күйі тұрақты үйлесімді жеке тұлға қалыптастыру, заманауи қоғамға, қоршаған ортаға позитивті көзқарас қалыптастыру, ондағы адамның орнын анықтау, өмірдің барлық кезеңінде саламатты өмір салтын ұстану, жеке денсаулықты нығайту.
