Алматы қаласы №4 Қалалық емхананың дәрігері А. О. Сапарова мен мейірбике А.К. Сембаева №72 жалпы білім беретін мектептің БӘД оқытушысымен бірлесіп «Төтенше жағдай кезінде зардап шеккендерге алғашқы медициналық көмек көрсету»...
Алматы қаласы №4 Қалалық емхананың дәрігері А. О. Сапарова мен мейірбике А.К. Сембаева №72 жалпы білім беретін мектептің БӘД оқытушысымен бірлесіп «Төтенше жағдай кезінде зардап шеккендерге алғашқы медициналық көмек көрсету» тақырыбында тәжірибелік сабақ өткізді. Сабақ барысында ТЖ кезінде алғашқы медициналық көмек көрсетудің негізгі қағидалары түсіндірілді. Манекен-тренажерда адам өмірін сақтап қалу әдістері көрсетілді. Атап айтсақ, жүрек-өкпе реанимациясының негіздері, әртүрлі жарақат кезінде алғашқы медициналық көмек көрсетудің тәжірибелік дағдылары. Оқушыларға алғашқы медициналық көмек көрсету ережесін білу ғана емес, зардап шегушінің жағдайын қиындатпау үшін істеуге болмайтын әрекеттер туралы да түсіндірілді.
