Алматы қаласы №4 Қалалық емхананың СӨСҚ дәрігері У.М.Амиркенова №60 мектеп-гимназияның мұғалімдерімен «Скрининг – қатерлі ісік ауруларын ерте анықтау» тақырыбында ақпараттық әңгіме өткізді. Әйелдердегі қатерлі ісік аурулары арасында емшек безі және жатыр мойнының қатерлі ісігі алғашқы орында тұр. Ауру 50-60 жас аралығында көп кездеседі.
Жатыр мойны қатерлі ісігі 40 жастан кейін кең таралып, 45-55 жаста шегіне жетеді. Скринингтің мақсаты – қатерлі ісік ауруына әкелетін жатыр мойны және емшек безі патологиясын ерте анықтау. «Мұндай шараларды өткізу - ісік ауруларын ерте анықтау және оның алдын алу, скрининг бағдарламаларына қатысудың маңыздылығы, тұрғындардың ісік ауруына күдігі туралы ақпараттарды білуін арттыру» - дейді Улбосын Мухамедьяровна.
Тұрғындардың мақсатты тобын профилактикалық медициналық тексеруден өткізу ережелері туралы кітапшалар таратылды. Кездесу Халықаралық қатерлі ісікке қарсы күрес Күніне орай ісік ауруларымен күрес бойынша Республикалық онкүндік аясында ұйымдастырылды. Онкүндік 10 ақпанға дейін жалғасады.
