Қазақстан Президенті Қасым-Жомарт Токаев 5 мамыр күні Ата заңымызға өзгертулер мен толықтыруларды қабылдау туралы 5 маусымда республикалық референдум өткізу туралы жарлыққа қол қойды.
"Конституциялық реформа бүкіл мемлекеттік үлгіні кешенді өзгертуге бағытталған. Түзетулер басқарудың "суперпрезиденттік" түрінен қуатты парламенті және есеп беретін үкіметі бар президенттік республикаға түбегейлі өтуге шақырады",-деп көрсетті өзінің бейнеүндеуінде Қ. Токаев. Сондықтан барлық қазақстандықтарды еліміздің болашағы үшін, болашақ ұрпағымыз үшін референдумға белсенді қатысуға шақырамыз.
Алдағы референдум әр азаматқа Қазақстанның болашағын айқындайтын тарихи оқиғаға тікелей қатысуға мүмкіндік береді. №4 Қалалық емханада республикалық референдум өткізу, Конституцияға енгізілетін өзгертулер жөнінде ақпараттық-түсіндіру жұмысы жүргізілді.
Оған Алиаты қаласы АНК директорының орынбасары Н.И.Ниязова, М. В. Ломоносов ат. №38 КММ директоры Г. Д. Досаева, №4 ҚЕ бас дәрігері З. И. Умарова, кадр маманы М. Ботейбекова, заңгер А. Айтбаев қатысты.
