Қазақстан Президенті Қасым-Жомарт Токаев 5 мамыр күні Ата заңымызға өзгертулер мен толықтыруларды қабылдау туралы 5 маусымда республикалық референдум өткізу туралы жарлыққа қол қойды.
"Конституциялық реформа бүкіл мемлекеттік үлгіні кешенді өзгертуге бағытталған. Түзетулер басқарудың "суперпрезиденттік" түрінен қуатты парламенті және есеп беретін үкіметі бар президенттік республикаға түбегейлі өтуге шақырады",-деп көрсетті өзінің бейнеүндеуінде Қ. Токаев.
Сондықтан барлық қазақстандықтарды еліміздің болашағы үшін, болашақ ұрпағымыз үшін референдумға белсенді қатысуға шақырамыз.
№4 Қалалық емханада Конституцияға өзгертулер мен толықтырулар енгізу туралы республикалық референдум бойынша ҚР Парламент мәжілісінің депутаты, эколог, географиялық ғылымдарының кандидаты А.Скакова мен қоғамдық қайраткер Г.Нурпейсованың қатысуымен дөңгелек үстел өткізілді.
