Алматы қаласының №4 ҚЕ медициналық реабилитация бөлімшесінде коронавируспен ауырған науқастарға оңалту емі жүргізіледі: арнайы дренаждық массаж, тыныс алу жаттығулары, емдік дене шынықтыру, физиотерапия, галотерапия және т. б. Мамандар тыныс алу жүйесі ғана емес, бүтін бір жүйе ретінде организммен жұмыс жасайды, себебі бронх-өкпе жүйесінен басқа жүрек-қантамыр жүйесі де зақымдалады.
Орталықта қалпына келтіру медицинасының дәрігері, реабилитолог, кинезитерапевт, эрготерапевт, психолог, әлеуметтік қызметкер, массажист, емдік дене шынықтыру және тыныс алу гиманастикасы инструкторлары жұмыс істейді. Бөлімшеде сондай-ақ амбулаториялық реабилитацияның 3 кезеңі мына бейіндер бойынша жүргізіледі: кардиология, неврология және нейрохирургия, травматология, ортопедия.
Пациенттерді МӘМС және амбулаториялық-емханалық көмек аясында учаскелік жалпы тәжірибелік дәрігердің жолдамасы бойынша қабылдайды.
