Алматы қаласы №4 ҚЕ дәрігері У.Амиркенова, мейірбике Р.Жантуреева Сулеймен Демирел ат."Мектеп-интернат-колледж" мекемесінің оқушыларына жыныс жолдары арқылы жұғатын инфекциялық аурулар, АИТВ-инфекциялары (жұғу жолдары, ауруға диагноз қою, алдын алу жолдары) туралы әңгіме өткізді.
Кездесудің мақсаты - жасөспірімдерге осы мәселелер туралы және өз денсаулығына жауапкершілікті қалыптастыру туралы ақпаратты жеткізу.
Сонымен бірге дәрігер темекі шегу және ішімдіктің жастар ағзасына зияны туралы да айтты. Әңгіме соңында саламатты өмір салтын ұстану туралы кеңестер берілді. Репродуктивті денсаулық туралы буклеттер таратылды.
