Алматы қаласы №4 Қалалық емхананың реабилитациялық орталығында қалпына келтіру медицинасының дәрігері, реабилитолог, иглорефлексотерапевт А.Қ.Солтанбек қабылдау, кеңес беру жұмысын жүргізеді, реабилитацияның үшінші кезеңіне жататын науқастарға реабилитация жоспарын жасайды.
Бұл сүйек-бұлшық ет жүйесі бұзылыстары (жарақаттану, хирургиялық оталар, сынықтар, омыртқа жүйесі дамуының бұзылыстары), нейрохирургиялық және неврологиялық аурулар (жүйке жүйесіне хирургиялық ота және жарақаттан кейін), кардиологиялық ( жіті инфаркт миокарды, тамыр мен жүрек патологиялары) бұзылыстары бар науқастар.
Осы науқастармен жұмыс жүргізуге қалпына келтіру медицинасының дәрігері, реабилитолог, кинезитерапевт, эрготерапевт, логопед-дефектолог, психолог, әлеуметтік қызметкер, массажист қатыстырылады. Сонымен бірге емдік физкультура жүргізіледі. ЛФК инструторы Жанар Ажибаева науқастармен жеке сабақтар мен процедуралар өткізеді. «Реабилитацияның мақсаты – әрекет бұзылысын қалпына келтіру немесе компенсациялау, ауыру синдромын жеңу, психологиялық көмек беру. Емдеуден айырмашылығы үшінші кезеңдегі реабилитация жіті патологиялық процесстер болмаған кезде жүргізіледі» - дейді Айгул Қилымбекқызы.
