{gallery}/0novosti/1/40/{/gallery}
Алматы қаласы №4 Қалалық емхананың медицина қызметкерлері Бостандық ауданының 7 мектебінде скринингтік тексеру жүргізуді бастады, 3 мектеп Әуезов ауданында орналасқан. Сонымен бірге скрининг 10 жеке мектепте де жүргізіледі. Бүгін тереңдетілген медициналық қарау №68 мектеп-гимназияда жүргізіліп жатыр. Медициналық қарауды жалпы тәжірибелік дәрігер, невропатолог, ЛОР, окулист, эндокринолог, психолог, гинеколог өткізеді.
Скрининг тексеруімен №4 Қалалық емхана аймағында орналасқан мектептердің 23994 оқушысы қамтылады.
"Скрининг "өсу ауруларының" алдын алуға бағытталған. Яғни, біз оқушылардың жалпы денсаулық жағдайын бағалап, қажет болған жағдайда қосымша тексерулер мен анализдер тағайындаймыз", - дейді мектеп дәрігері Д.Ш.Калиева.
