Бүгін – Халықаралық Отбасы күні. Қоғам назарын отбасылық құндылықтарды сақтауға аудару, әрі оны дәріптеу мақсатында №4 Қалалық емхананың балалар бөлімшесі көп балалы отбасыларын құттықтап, балаларға сыйлықтар сыйлады. Бұл елімізде мемлекеттік деңгейде отбасы, жанұя ұғымдарына көрсетілетін зор құрметті паш етеді және оған ерекше назар бөлінетінін айқындайды. Әрбір шаңырақтағы береке түптеп келгенде тұтас елдің берекесі. Адамға еңбекқорлық, отансүйгіштік, жасампаздық пен мейірімділік сияқты асыл қасиеттер отбасы арқылы дариды. Берік отбасылық құндылықтар арқылы ғана мемлекеттің іргесі мығым, ғұмыры мәңгі болады. Барлық жанұяларға зор денсаулық, береке-бірлік, жақсылық тілейміз! Шаңырақтарыңызға махаббат пен татулық салтанат құрсын!-деп тілейді емхана қызметкерлері.
