Алматы мемлекеттік энергетика және электронды технология колледжінің 80 аса оқушылары "Ерте жүктіліктің алдын алу", "Темекі шегудің алдын алу" тақырыбында семинарға қатысты. Сонымен қатар қыздар үшін "Өзіңе сен" атты психологиялық тренинг өткізілді. Семинарды №4 ҚЕ "Жас ұрпақ" Жастар денсаулық орталығының мамандары гинеколог дәрігер А.Садвакасова, СӨС дәрігері У.Амиркенова, психолог А.Алимбаева өткізді.
"Біздің семинарлар, дәрістер, тренингтер - жасөспірімдер мен жастардың әртүрлі өзекті сұрақтарына жауаптар. Біз өзіміздің кездесулердің әрбір минуты пайдалы болатындай етіп өткізуге тырысамыз",- дейді медицина қызметкерлері.
Орталық БМСК құрылымдық бөлімшесі болып табылады, жастар мен жасөспірімдерге емдеу-профилактикалық көмек көрсетеді. Жастар денсаулық орталығының негізгі мақсаты - денсаулықты сақтау, жоғары білікті медициналық-психоәлеуметтік және тегін медициналық-әлеуметтік көмек көрсету арқылы 10-нан 28 жасқа дейінгі жасөспірімдер мен жастарды әлеуметтендіру бойынша қолайлы жағдайды қамтамасыз ету.
Орталықта келесі мамандар жұмыс істейді: гинеколог, педиатр, психолог, дерматолог, уролог, терапевт, заңгер.
