Алматы қаласы №4 Қалалық емханада Диабет мектебі жұмыс істейді. Диабет мектебі - қант диабетіне байланысты өмірдегі жағдайлардың қыр-сырын талдаудың қарапайым түрі. Сабақты эндокринолог дәрігер М.З.Конысбаева жүргізеді. Сабақ барысында дәрігер пациенттерге ауруды қалай тиімді басқару туралы айтады. Дәрігер пациенттермен өзін-өзі бақылау, инсулинтерапия және қант диабеті асқынуының алдын-алу, қант диабеті кезінде тамақтану ережесі, тамақтанудың денсаулыққа әсері, семіздіктің түрлері, ДСИ есептеу, тәуліктік азық-түлік мөлшері жөнінде талқылайды. Пациенттер мамандардың кеңесі олардың өмір сапасын айтарлықтай жақсартуға көмектеседі дейді. 31 қаңтар күні қант диабеті бар науқастарға "Диабет деген не?" тақырыбына денсаулық мектебінің кезекті сабағы өтті.
