Таныс болыңыздар! Сембаева Аяулым Курмангалиевна - біліктілік санаты жоғары мейірбике. Алматы қаласы №4 Қалалық емхана қызмет көрсететін №72 жалпы білім беретін мектепте 10 жылдан аса жұмыс істейді.
«Мен бала кезімнен осы мамандыққа қызығушылық танытып, таңдадым. Мектепте санитариялық сектор жұмысына белсене қатыстым, мектептегі балалар дәрігері сияқты болдым»- деп еске алады өзі. «Мектеп мейірбикесі болу дегеніміз – балаларды жақсы көру, мейірімді, мұқият, сезімтал болу, күйзеліске қарсы тұратындай мінез болу керек. Өз жұмысымды жақсы көремін, күнделікті баламен жұмыс істеу ұнайды.
Үзіліс кезінде медициналық көмек алуға 6-8 оқушы келеді. Әртүрлі жағдайлар болады. Жедел көмек көрсетемін: біреуге қан кетуді тоқтату керек, сынық кезінде таңу жасау, соғып алған кезде салқындатушы компресс қажет болады. Мұғалімдер де қаралады, қан қысымын өлшейміз, дене қызуы көтерілсе, бас ауруы кезінде көмек көрсетеміз. Кейде жедел жәрдем шақырып, ауруханаға жібереміз.
Профилактикалық жұмысқа баса назар аударамыз, саламатты өмір салты, гигиена сақтау туралы, туберкулез, қызылша, т.б. аурулар туралы дәрістер өткіземіз. Сонымен қатар екпе жасаймыз, оның нәтижесін аймақтық дәрігерге хабарлаймыз, бастапқы тексеруді жүргіземіз. Ата-аналарға баланың денсаулығын бақылау қажеттігін үнемі айтып отырамын, қандай да бір ауру болса ерте анықтаған аса маңызды.
Ата-аналармен телефон арқылы тікелей байланыста боламын. Күнделікті ас мәзірін дайындауға қатысамын, тамақтың сапасын, санитариялық және температуралық тәртіптің сақталуын қадағалаймын» - дейді Аяулым Курмангалиевна.
Міне, №4 Қалалық емханада осындай тамаша жан қызмет атқарады. Құрметті Аяулым Курмангалиевна, Сізге денсаулық, еңбекте табыс тілейміз!
