Жаңалықтар

Алматы қаласы №4 Қалалық емханада «Primary Health Care» Ұлттық Ассоциациясы Басқармасының төрағасы Р.А.Абзалованың қатысуымен "БМСК үздік практика орталығы" туралы семинар өтті. Семинарға қала бойынша бес емхананың медицина қызметкерлері қатысты. Мұндай орталықтарды құрудағы негізгі мақсат - халықтың өмір сүру деңгейін көтеру, пациенттерге сапалы және жедел көмек көрсету, алдыңғы қатарлы инновациялық технологияларды қолдану, мамандардың кәсіптік дағдыларын жетілдіру.
"Бүгінгі таңда денсаулық сақтаудың басты бағыттарының бірі - дүниежүзілік тәжірибеге негізделген үздік практика орталықтарын дамыту. Отбасылық принцип маңызды болып отыр. Біріншілік медициналық-санитариялық көмектің үздік практика орталықтары медициналық көмектің сапасы мен қолжетімдігіне бағытталған. Отбасылық дәрігер, патронаждық мейірбике, әлеуметтік қызметкер, психолог, акушерка және басқа да мамандардан тұратын мультидисциплинарлық топтың рөлі үлкен. Яғни, осындай топтарды құру пациенттке толық және кешенді көмек көрсетуге әсерін тигізеді",- дейді Р.Абзалова.
Семинарда мейірбикелердің кәсіптік мүмкіндігін кеңейту, азаматтардың және оның отбасының қажеттігі бойынша денсаулық сақтау қызметтерінің интеграциясы, халықтың медициналық сауатын көтеру, ауруды емдеу және профилактика процессіне, жобалар мен әлеуметтік бағдарламалар дайындауға қатыстыру сұрақтары да қаралды. БМСК үздік практика орталығының жұмысы туралы бейнефильм көрсетілді.