Балалар үйінің тәрбиеленушілері ата-аналарынан айырылған немесе ата-аналарының қарауынсыз қалған, сондай-ақ мемлекет тарапынан қолдау мен көмек алуға мұқтаж балалар болып табылатыны бәрімізге мәлім. Емхана дәрігерлері жылына екі рет балалар үйінің балалары мен жасөспірімдеріне профилактикалық тексерулер жүргізеді. Денсаулығында өзгерістер анықталған балалар бірден диспансерлік есепке алынады және бір жыл ішінде сауықтырылады.
Балалар үйінің тәрбиеленушілері ата-аналарынан айырылған немесе ата-аналарының қарауынсыз қалған, сондай-ақ мемлекет тарапынан қолдау мен көмек алуға мұқтаж балалар болып табылатыны бәрімізге мәлім. Емхана дәрігерлері жылына екі рет балалар үйінің балалары мен жасөспірімдеріне профилактикалық тексерулер жүргізеді. Денсаулығында өзгерістер анықталған балалар бірден диспансерлік есепке алынады және бір жыл ішінде сауықтырылады. Алматы қаласының №1 Балалар үйінде 2016 жылғы 12 желтоқсанда Қазақстан Республикасы Тәуелсіздігінің 25 жылдығын мерекелеуге арналған «Сапа айлығының» шеңберінде ШЖҚ «№4 Қалалық емханасы» МКК психологтары, әлеуметтік қызметкерлері, мамандары, педиатрлары «Біз әрқашан Сендермен біргеміз!» ұранымен қайырымдылық акциясын өткізді. Педиатрия бөлімшесі Алматы қаласының №1 Балалар үйінде мұндай шараны бірінші жыл өткізіп тұрған жоқ. Мұндай көмектер әсіресе мереке күндері жиі көрсетіледі. «Балауса» тобының балаларына сөйлеу қабілетін және математикалық ойлау қабілетін дамытатын материалдар, жөргектер (подгузники) берілді. Бұл акцияның негізгі мақсаты – балаларға олар жалғыз емес екендігін, сондай-ақ дәрігерлер мен басқа да мамандар оларға әрдайым қол ұшын беруге дайын екендігін естеріне салу болып табылады.
