Жаңалықтар

1 Маусым 2017 жылы – Балаларды қорғау күніне №4 Қалалық емханада мерекелік іс-шара өткізілді. Емхана шарлармен безендіріліп, қабылдауға келген балаларға Alpen Pharma және Stada өкілдерімен бірлесіп тағайындалған сыйлықтар таратылып, көңілді күй сыйланды. Сонымен қатар балалар арасында «Балалық шақ – бал дәурен» атты сурет салудан сайыс өткізілді. Бұл мереке балалар үшін есте қаларлықтай қызықты да, көңілді өтті. Елімізде балалардың құқығын, денсаулығын қорғау Ата Заңмен белгіленген. Қазақстан Республикасының «Халық денсаулығы және Денсаулық сақтау жүйесі туралы» кодексінің 89 – бабының 1,1 тармағында «Әрбір баланың денсаулық сақтау жүйесінің уақтылы әрі тиімді қызметтерін және ауруды емдеу мен денсаулықты қалпына келтіру құралдарын пайдалануға құқылы» делінген. Періштедей пәк көңілді бүлдіршіндеріміз дені сау, білімді де білгір, еліміздің қалаулы азаматтары болып өссін! Балалар – біздің болашағымыз. Болашағымыз жарқын болсын!