Алматы қаласы №4 Қалалық емхананың "Баланы дамыту бөлмесінің" мейірбикелері Гульсара Пазалкириевна Саркулова, Альвина Саматовна Зтлеуова 3 айлық, 1 жас, 2 жас, 3 және 6 жастағы балаларға аудиологиялық скрининг жүргізеді.
"Есту скринингі туған кезде алғаш рет перзентханада жасалады. Бұл әдістің мақсаты - ерте жастағы балаларда есту органының патологиясын дер кезінде анықтау. Біз арнайы Аудио-Смарт құралын пайдаланамыз. Зондтың ұшына құлаққа кіргізетін құрылғы кигізіледі. Аппарат белгілі бір жасушалар қабылдайтын сигнал береді, соны құрал қабылдайды. Бұл кезде бала тыныш отыруы тиіс. Есту қызметі бұзылған жағдайда баланы ары қарай тереңдетіп тексеру үшін және ем жүргізу үшін сурдологиялық кабинетке (орталыққа), ЛОР дәрігерге жібереміз. Сонымен бірге біз ата-аналармен де бөгде затпен қақалу кезінде емшектегі балаға қалай көмек көрсету, баланы емшекке қалай дұрыс салу керек, тамақтану пирамидасы, профилактикалық екпелер, т.б. тақырыптарда сабақтар өткіземіз",- дейді мейірбике Гульсара Пазалкириевна.
Құрметті №4 ҚЕ пациенттері! Есту қызметінің бұзылысын ерте анықтауға тіркелу, ерте емдеу, коррекциялық және білім беру жұмыстары мкр.Орбита 2, 29А ғимаратта №7 "Баланы дамыту бөлмесінде" жүргізіледі.
