Кеңейтілген практика мейірбикелері кең таралған инфекциялық емес және жіті респираторлық инфекциялық аурулары бар пациенттерді өздері қабылдайды, алдын ала мейірбикелік диагноз қояды, дәрігердің тағайындауы бойынша дәрі-дәрмекке тегін рецепт жазады, артериялық қан қысымын өлшейді, созылмалы аурулары бар пациенттерге динамикалық бақылау жүргізеді, оның ішінде АББ қатысушыларды да. Сондай-ақ фертилді жастағы әйелдердің тізімін дайындап, динамикалық бақылау жүргізеді, алғашқы медициналық көмек, дәрігерге дейінгі және паллиативті медициналық көмек көрсетеді, пациенттерді қарау бөлмесіне және скринингтен өтуге жібереді. Ауруханаға жатқызуға көрсеткіш бар болса жедел жәрдем бригадасын шақырады.
