Алматы қаласы №4 Қалалық емханада АМСК саласында Үздік тәжірибелік орталықтың салтанатты ашылуы өтті. Орталықты құрудың негізгі мақсаты - халықтың өмір сүру деңгейін көтеру, пациенттерге сапалы және оперативті көмек көрсету, алдыңғы қатарлы инновациялық технологияларды қолдану,
мамандардың кәсіби дағдыларын жетілдіру. Ашылу салтанатына Бостандық ауданы Әкімдігінің, Алматы қаласы ҚДСБ өкілдері, алғашқы медициналық-санитариялық көмектің УТО халықаралық конгресіне қатысушылар және т.б. келді. Ашылу салтанаты кезінде қызыл лента кесілгеннен кейін емхана директоры З.И.Умарова қонақтарды тіркеу бөлімі, дәрігерге дейінгі бөлме, профилактика және әлеуметтік-психологиялық көмек бөлімшесі, кеңес беру-диагностика бөлімшесі, медициналық реабилитация бөлімшесі, "Жас ұрпақ" Жастар денсаулық орталығы, денсаулық мектептері, шұғыл медициналық көмек бөлмесі, дәрі-дәрмекпен қамту бөлімінің жұмыстарымен таныстырды. Қонақтар жалпы емхана жұмысымен де танысты. Соңында алғашқы медициналық-санитариялық көмекті дамыту шаралары талқыланды. Баяндама жасаушылар денсаулық сақтау саласының маңызды бағытының бірі үздік тәжірибелік орталық болып табылатынын айтты.
