№4 ҚЕ симуляциялық бөлме жұмыс істейді, шұғыл медициналық көмек бригадасының аға фельдшері Кыдырбаев Арман Женисбайұлы алғашқы медициналық көмек көрсету бойынша емхана қызметкерлеріне оқу өткізеді. Арман Женисбайұлы жүрек тоқтауы, жаралану, сынық, шок, қан кету кезінде шұғыл медициналық көмек көрсету жөнінде тәжірибелік сабақ жүргізеді. Сонымен бірге дәрі-дәрмекті қантамырға енгізу ережесін де үйретеді. Коммуникативті дағдыларға да баса назар аударылады.
"Симуляциялық бөлме заманауи құралдармен және оқыту технологиясымен жабдықталған. Симуляциялық оқыту жеке дағдыларды ғана меңгеруді үйретіп қоймай, топпен жұмыс істеуге, пациентпен қарым қатынаста кәсіби мінез бен дағдыларға да үйретеді", - дейді Арман Женисбайұлы.
