Бүкіләлемдік туберкулезге қарсы күрес күніне орай «Өзіңді туберкулезден қорға!» Ұлттық бағдарлама аясында Алматы қаласы №4 Қалалық емхананың фтизиопедиатр дәрігері А.А.Такенов пен мейірбике М.Жуманова №40 жалпы білім беретін мектептің 8 сынып оқушыларымен «Туберкулездің алдын алу» тақырыбында дәріс өткізді.
Туберкулездің алғашқы белгілері, таралу жолы және алдын алу туралы жан-жақты мәлімет берілді. Оқушыларға ақпараттық-білім беру материалдары таратылды. Туберкулездің алдын алу үшін саламатты өмір салтын сақтап, 15 жастан бастап жыл сайын флюорографиядан өту керек, дұрыс тамақтану, жеке бас тазалығын сақтау да аса маңызды.
