Алматы қаласы 4 Қалалық емханада маусымдық тұмауға қарсы екпе салу басталды. "Бізде 2 егу бригадасы, 2 егу пункті жұмыс істейді. Біз пациенттерге телефон арқылы хабарласып, емханаға шақырамыз. Учаскелік дәрігерлер қарайды. Қарсы көрсетілім болмаған жағдайда егу бөлмесіне жібереміз.
Екпе жасалған соң вакцинадан кейінгі реакция болмау үшін 30 минут бойы медицина қызметкерлері бақылау жасайды. Келесі екі күн бойы пациент дәрігер бақылауында болады. Құрметті пациенттер, екпе салу 104, 114 бөлмелерде жүргізіледі. Тұмаумен кез келген адам ауыруы мүмкін. Бронхит, пневмония, менингит және басқа аурулар - тұмаудан кейін болуы мүмкін асқынулар.
Екпе - ең тиімді сақтану жолы" - дейді эпидемиолог дәрігер М.Н.Шадман. Тұмауға қарсы екпе қауіп тобындағы адамдарға тегін жасалады, олар: мектеп жасына дейінгі балалар және мектеп оқушылары; медицина қызметкерлері; жүкті әйелдер (жүктіліктің 2-3 триместрі); жабық түрдегі мекемедегі балалар ( балалар үйі, мектеп- интернат); созылмалы аурулары бар ересектер мен балалар; 60 жастан асқан кәрі адамдар.
Вакцинация қараша айының 15 дейін жасалады.
