2020 жылдың 1 қаңтарынан бастап міндетті әлеуметтік медициналық сақтандыру жүйесі жұмысын бастайды.
Алматы қаласы №4 Қалалық емхананың қызметкерлері міндетті әлеуметтік медициналық сақтандыру (МӘМС) туралы ақпараттық-түсіндіру жұмыстарын жүргізуді жалғастыруда. Бұл жолы олар емханаға келушілер арасында әңгіме өткізді. Осы шара барысында медицина қызметкерлері емханаға тіркелу тәртібі, әлеуметтік медициналық сақтандыру жүйесінде өз статусын анықтау және МӘМС жұмысы туралы түсіндірді.
Ақпараттық-білім беру материалдары таратылды. Міндетті әлеуметтік медициналық сақтандыру (МӘМС) дегеніміз – денсаулық сақтау саласында мүдделерді әлеуметтік қорғайтын мемлекеттік жүйе. МӘМС Қазақстанның барлық азаматтарына жынысы, жасы, әлеуметтік статусы, тұрғылықты жері мен табысына қарамастан медициналық және дәрі-дәрмектік көмекке тең құқықты қамтамасыз етеді.
