Жоғары медицина колледжінің 4 курс студенттері және №4 Қалалық емхананың қызметкерлері тұрғындармен міндетті әлеуметтік медициналық сақтандыруды енгізу тәртібі туралы түсіндіру жұмыстарын өткізді. МӘМС негізгі принциптері туралы, осы жүйеге қалай қосылу туралы айтылды. Ақпараттық буклеттер таратылды.
2020 жылдың 1 қаңтарынан бастап міндетті әлеуметтік медициналық сақтандыру жүйесі жұмысын бастайды. МӘМС – денсаулық сақтау саласында әлеуметтік мүддені қорғайтын мемлекеттік жүйе. МӘМС Қазақстанның барлық сақтандырылған азаматтарына жынысы, жасы, әлеуметтік статусы, тұрғылықты жері және табысына қарамастан медициналық және дәрі-дәрмектік көмекке бірдей қол жетімділікті қамтамасыз етеді.
МӘМС – тұрғындарға ауырған кезде, жарақат алғанда, жүктілік пен босану кезінде, мүгедектік алғанда және қартайғанда әлеуметтік мүддесін қорғайды.
