Бүгін Аль-Фараби ат.Қазақ ұлттық университетінің кітапханасында Астана қаласының 20 жылдығына арналған ұлттық қолөнер көрмесі өтті. Көрмені ұйымдастырушы – Бостандық ауданының «Нұр Отан» партиясының филиалы. Көрмеге Бостандық ауданы бойынша «Нұр Отан» партиясы ұйымының 33 филиалы қатысты. Қатысушылар көрмеге қазақ халқының ұлттық нақыштағы қолөнер туындыларын, әртүрлі суреттер мен портреттер, басқа да әдемі, көркем заттарды шығарды.
Көрменің мақсаты - қазақстандықтардың мақтаныш сезімін нығайту, Астана қаласының мерейтойын өткізуге белсене ат салысу, өнер туындылары арқылы Қазақстан тарихын насихаттау, Отанға деген патриоттық сезімге тәрбиелеу.
Комиссия мүшелері жұмыстарды берілген тақырыпқа, ұлттық дәстүрге сай, шығармашылық тұрғыдан орындалуына, бұйымның өзгешелігіне қарап баға берді. Ең үздік бұйымдар грамотамен, бағалы заттармен марапатталды. Сонымен қатар, көрермендер көзайымы және комиссия атынан арнайы сыйлықтар берілді.
Алматы қаласы №4 Қалалық емханасы аталған көрмеге белсене қатысып, жүлделі орын иеленгенін мақтанышпен атап айтамыз. №4 Қалалық емхананың «Тұмар» біріншілік партия ұйымының хатшысы Ш.А.Анарбаеваға алғыс хат пен бағалы сыйлық тапсырылды.
