Медициналық сақтандыру қорының КОЛЛ–ЦЕНТР – 1406. Осы номерге хабарласып медициналық сақтандыру бойынша сұрақтарға жауап ала алсыздар. Барлық сұрақтар тіркеуге алынып, міндетті түрде жауап беріледі. Қажет болған жағдайда эксперттер медициналық мекемеге барады, аталған сауал бойынша толық талдау жасап, көрсетілген медициналық қызмет сапасына баға береді. №4 қалалық емхананың қызметкерлері тұрғындарға медициналық сақтандыру жүйесінің негізгі принциптері мен артықшылықтары туралы түсіндіру жұмыстарын жалғастыруда.
№2 ЖТД бөлімшесінің мейірбикелері (Ш.Гаппарова, А.Хайдайбергенова, Н.Жанабилова, ) және психологтар (Ж.Палымбетова мен А.Әшірбай) базарда ақпараттандыру-түсіндіру жұмыстарын өткізді. Сақтандыру медицинасы жүйесінде өз статусын қалай тексеру, МӘМС пакеттері туралы айтты. Ақпараттық-білім беру материалдары таратылды.
2020 жылдың 1 қаңтарынан бастап мемлекеттік кепілдемелі тегін медициналық көмек көлемінің жаңа үлгісі енгізіледі. Жаңа үлгі шұғыл жағдайлар кезінде әр адамға көмек көрсетуге, қоғам үшін маңызды ауруларды бақылауда ұстауға негізделген.
