Гулнар Нурканова "Менің емханам - менің отбасым. Біз өз пациенттерімізге қамқор боламыз".
Құрметті оқырмандар! Сідерді жоғары санатты мейірбике Гулнар Жетеновна Нуркановамен таныстырамыз. Ол 28 жылдан аса Алматы қаласының №4 Қалалық емханасында жұмыс істейді. Мейірімді, қамқор, өз ісінің маманы! Гулнар Жетеновна Алматы қ. Республикалық медицина училищесін бітірген. "Денсаулық сақтау ісіне қосқан үлесі үшін" медалімен марапатталған.
"Мен өз жұмысымды жақсы көремін. Мектеп кезінен мейірбике болуды армандадым. Осы арманымның орындалғаны үшін бақыттымын, қазір адамдардың дені сау және бақытты болуы үшін қолымнан келгеннің бәрін жасаймын. Пациенттер емделіп, сауыққан кезде мен бақыттымын! Мен емделушілермен үнемі 24/7 байланыстамын, олар жұмысттан тыс уақытта да хабараласа алады. Барлық уақытта жауап беремін. Менің участкемде 1500 жуық адам бар, науқастардың үйіне барамын, укол саламын, электрокардиограмма жасаймын, қан аламын, т.б. Сонымен бірге профтексеруден - скрининг, флюорография, қарау бөлмесі - өтуге шақырамын ",- дейді Гулнар Жетеновна.
"Қандай мәселе болса да әрқашан көмекке келеді, бізде осындай аймақтық мейірбике болғанына өте қуаныштымыз",- дейді пациенттер.
