1 қазан - Халықаралық қарттар күні. Бұл қарт адамдарға құрмет, ілтипат, қамқорлық және қолдау көрсетуге мүмкіндік беретін күн.
Қарттар күні аясында 4 Қалалық емхананың медицина қызметкерлері кәрі адамдардың үйлеріне барып, тексеруден өткізеді. Геронтолог дәрігер Абдрей Бибинур , аймақтық мейірбике Әділхан Дана Ұлы Отан соғысының ардагері Королев Михаил Кондратьевичке барды. Жақында Михаил Кондратьевич 96 жасқа толды! " Емхана қызметкерлерінің маңызды жұмысының бірі - қарт адамдарға медициналық көмек көрсету.
Өздігімен дәрігерге келе алмайтын науқастарға үйде дәрігердің тексеруін ұйымдастыру, дәрі-дәрмек жеткізіп беру, т.б. Қарт адамдарға қамқорлық жасау біздің қоғамда маңызды міндеттердің бірі, біз олардың денсаулығы мен амандығын сақтауға тиіспіз",- дейді медиктер. Қызметкерлер қарттарға азық түлік жиынтығын тапсырды.
